Gờm chờ cồng nha bơh dơ̆ cribơyai kwơ màng cribơyai broă mờ lơgar ndai- sền gàr Dà lơgar- lơngăp lơngai đah Việt Nam mờ Nga, ồng Lê Hoài Trung đơs nền, Đảng, Dà lơgar mờ làng bol Việt Nam sền dờng màng bơta gĭt gơ̆p lơh bơyô bal bơh yau, lơgar lơh broă bal kwơ màng tơl làm mờ lơgar Nga; cribơyai bàr pe gùng dà broă lơh dờng nàng kờñ bơtàu tơnguh bơta gĭt gơ̆p 2 lơgar dê tàm ală gah.

Jờng rơ uă ngan ală broă bơtàu tơnguh niam ngan bơh bơta gĭt gơ̆p đah Việt Nam mờ Nga, Thứ trưởng dơ̆ 1 lơgar Nga Titov đơs nền, Nga sùm sền dờng màng broă bơt bơtàu, bơtàu tơnguh bơta gĭt gơ̆p mờ lơgar Việt Nam. Thứ trưởng dơ̆ 1 lơgar Nga Titov đơs jơnau đơs bơh ồng Lê Hoài Trung dê bè ală gùng dà broă lơh, broă lơh dờng nàng kờñ sồr lơh geh bơta gĭt gơ̆p 2 lơgar tàm tơngai tus, kwơ màng là sồr lơh geh ală dơ̆ còp kwang bàng kấp dờng tàm nam 2024.