VOV4.K’ho- Jơnau yal bơh Cơldŭ lơh broă Quôk hội dê pà gĭt, jăt kờp dŭ Broă lơh, pơrjum dơ̆ 7 bơh Ủy ƀan Thường vụ Quôk hội dê geh lơh bơh ngai 18-19/01/2022.

Tàm dơ̆ pơrjum do, bè broă lơh bơ̆t bơtàu kơrnoăt boh lam, Ủy ƀan Thường vụ Quôk hội geh sền swì, ai jơnau đơs, bè: Broă yal lơh loh, iăt kơno, lơh niam wơl rơndăp broă lơh Adat Tàm pơrlòng, Jờng rơ (tam gơl); sồr bơtơl jơnau rơcăng cih Kơrnoăt bơh Quôk hội dê lơh tơr lòng lài broă lơh lam lơh broă, pơlam broă lơh, bơto broă lơh ai cau jàm in bơdìh hìu jàm tàm Broă lơh adat boh lam, kơrnoăt boh lam nam 2022; sền swì mờ lơh nền broă lơh jăt àu soh cah rña bơh Mpồl duh broă cah rña dê. Kung tàm dơ̆ pơrjum do sơl, Ủy ƀan Thường vụ Quôk hội geh sền swì jơnau yal broă lơh jơnau kơ̆p kờñ làng bol dê nhai 12/2021 bơh Quôk hội dê; Rơndăp broă lơh rơndăp tăp sèng mpồl kwang bàng tàm dơlam mờ cau lơh broă sa priă nhai bơh Cơldŭ lơh broă Quôk hội dê; ai jơnau đơs bè tơn jơh dơ̆ pơrjum nisơna dơ̆ dùl, Quôk hội khoă XV dê.

Cau mblàng Lơ Mu K’Yến