VOV4.K’ho- Pơrjum dơ̆ 4, Quôk hội khoá 15, geh pơrjum tơrgùm bal tàm 21 ngai lơh broă, sơnđờm mŭt pơrjum tàm drim ngai 20/10 mờ tơn jơh tàm mho ngai 15/11. Do là jơnau yal geh Cơldŭ lơh broă Quôk hội dê pà gĭt tàm dơ̆ pơrjum băo mho ngai 17/10.

Tàm dơ̆ pơrjum do, Quôk hội kờp dŭ ring bal 07 rơndap broă lơh Adat, 03 jơnau rcang cih Nghị quyết. Quôk hội kung ai jơnau đơs tă pơgồp tàm 07 rơndap broă lơh Adat, tàm hơ̆ pal sền gròi ngan là rơndap broă lơh Adat ù tiah (tam gơl). Sền sơ wì ală jơnau yal bè: sền sơwì cồng nha lơh jat broă rơndap lơh bơtàu tơnguh lơh sa- mpồl bơtiàn, kờp dŭ kes priă dà lơgar, broă rơndap lơh bơcri priă dà lơgar kes priă dà lơgar. Quôk hội jat sền tơngume : “Broă lơh jat broă lơh, adat boh lam bè lơh jat broă lơh tềm pềr, sơndră pơhì pơhà tơngai bơh nam 2016-2021”. Gơrềng tus broă xăng zờu tơngai pa do lơh uă bơta ờ suk ơm ai làng bol in, Phó Củ ñiệm Ủy ƀan Lơh sa bơh Quôk hội dê ồng Nguyễn Minh Sơn đơs sùm, broă Cíñ phủ pal đơng lam nàng ală anih lơh broă geh gơnoar in lơh wơl broă lơh lơh niam wơl giă tăc rah rài di pal rlau tai, gàr niam bơta kwơ ai làng bol, mpồl lơh sa kă bro kung bè bơta kwơ bơh ală cau kă bro bơh sơn rờp tăc mờ blơi phan bơh lơgar ndai mờ mpồl tăc rah rài xăng zờu in.

VOV/K’Hạnh mblàng