VOV4.K’ho- Drim ngai 18/02, tàm Anih tờm niam chài Kinh Bắc, ƀòn dờng Bắc Ninh, Tỉñ ủy Bắc Ninh bơyai lơh pơrjum ƀău yal bè ală broă lơh tơnkah 190 nam ngai crơng gơs mờ 25 nam ngai crơng gơs wơl càr. Jat mpồl bơyai lơh, bơh ngai 26/01 tus ngai 28/02 tàm ƀòn dờng Bắc Ninh mờ ală kơnhoàl, thị xã tàm càr geh lơh uă broă lơh tơnkah 190 nam ngai crơng gơs mờ 25 nam ngai crơng gơs wơl càr Bắc Ninh. Kuơmàng, dơ̆ tơn kah geh lơh tàm drim ngai 26/02 do bal mờ uă broă lơh đơs crih tamya, niam chài kuơmàng mờ tơngume “Bắc Ninh- Àng gơ crà tiah niam chài” geh ai gŏ wơl bè Bắc Ninh- Kinh Bắc, dùl ù tiah yau, niam chài; mờ bơta kah yau niam chài, bơhiàn bơsram jak, gơ kờn pơrlòng jak.. mờ srơh kac màng.

Ồng Ngô Văn Liên, kwang atbồ Ƀan Tuyên giáo Tỉñ ủy Bắc Ninh pà git, tơnơ̆ 25 nam crơng gơs wơl, Bắc Ninh neh brồ guh pràn ngan, gơ gơs là tiah gơguh lơh sa tiah càr lơgar mờ ală càr đah tô dà lơgar dê, tŭ do, Bắc Ninh neh gơ gơs là càr lơh sa mờ măi mok jat gùng dà tam gơl pa mờ uă jơnau kờñ bè lơh sa, mpồl bơtiàn gơ ơm tàm khà dùl gùt lơgar dê.

Cau mblàng K’Duẩn