Ngai chờ geh lơh mờ uă broă lơh duh hồl bè: ràng tơlik, yal tơnggit phan bơna cau ùr sơn đờm mut lơh broă; pờ tơlik tơn nàng yal tơnggit phan bơna sơn đờm mut lơh broă tàm ală gah tac phan pờ tơn tàm internet; pơrjum sền sơ wì, lam lơh uă ală broă lơh bơh mpồl dê tàm broă tus bal bơt bơtàu ƀòn lơgar pa mờ sền wơl dơ̆ lam sồr “lơh hìu bơnhă 5 ờ, 3 sàng goh” tơngai bơh nam 2021 tus nam 2024; cribơyai ngui măi mok yal tơnggit jơnau tàm broă lơh mpồl, dar dut ndơl dơ̆ pơrlòng cau ùr sơn đờm mut lơh broă bơceh lơh mờ tam gơl tơlir…

Tàm dơ̆ mut lơh, mpồl bơyai lơh neh dờp 3 tơmàn 300 tơlak đông priă dong kờl ai 36 rơndap broă lơh sơn đờm mut lơh broă, sơn đờm kă bro bơh cau tàm mpồl cau ùr tàm càr dê mờ lam lơh bơhiàn ờs mờng sơn đờm lam lơh ală broă lơh bơh ngai chờ dê.