Hìu sơnơm Kơnòm dềt Dà lơgar sùm geh gĭt nđờ jơ̆t rbô nă kơnòm dềt gơtìp kòp mờ cau hìu bơnhă tàm ƀlàng hìu sơnơm ơnàng rlau 6 lồ. Ờ hềt kờp, rlau 2 rbô nă kwang bàng, cau lơh sơnơm lik mŭt tàm hìu sơnơm pah ngai. Bơta do digơlan geh lài ală jơnau pơhìn roh lơngăp lơngai rơndăp tăp sèng. Mùl màl geh ală dơ̆ tung kơñau jơtài, pơrlồm neh gơlik geh tàm do mờ pơneh ngan rlau jơh là dơ̆ rơndeh lòt ju rò tìs mờ adat boh lam bơcrì bơcrà ngan lơh broă pơgăp mờ do mờr 10 nam.

Nàng kờñ gàr niam lơngăp lơngai, rơndăp tăp sèng, tơngai lài, Hìu sơnơm Kơnòm dềt dà lơgar neh sơlơ pơgồp bal mờ kwang àng sơnah ƀòn Láng Thượng mờ sơnah ƀòn Ngọc Khánh, quận Đống Đa. Bơdìh mờ broă apah mpồl cau sền gàr lơh kơnòl broă mờng chài, hìu sơnơm gam geh 6 nă cau lơh broă geh pà sră cơng tàng lơh kơnòl broă lơngăp lơngai sùm lơh kơnòl broă jăt sền, pơlam broă lơh gàr niam lơngăp lơngai hìu sơnơm.