VOV4.K’ho- Ngai 25/02, Gah đơng lam mpồl ling sền gàr tiah nhàr dà lơgar càr Dăk Lăk pơgồp bal mờ kơnhoàl Ea Sup bơyai lơh Ngai chờ sền gàr tiah nhàr dà lơgar jơh gùt làng bol nam 2022 tàm xã tiah nhàr dà lơgar Ia Rvê. Càr Dăk Lăk geh gùng nhàr lơgar jòng rlau 73 kơi sồ rềp mờ càr Mondulkiri, lơgar Campuchia. Tiah nhàr dà lơgar càr Dăk Lăk geh 4 xã bal mờ 51 thôn, ƀòn gơ wèt 2 kơnhoàl Buôn Đôn mờ Ea Sup, là tiah ơm is bơh rlau 22 rbô nă làng bol gơ wèt 26 jơi bơtiàn kòn cau.

Ală nam do, kấp ủy, gơnoar atbồ ală tiah neh pơgồp bal jơh nùs mờ mpồl ling sền gàr tiah nhàr dà lơgar sền gàr kơ̆ kơljap gơnoar tờm ù tiah, bơta lơngap lơngai tiah nhàr dà lơgar, gàr kơ̆ lơngap lơngai, ring lơngai tàm ù tiah ƀòn lơgar. Mùl màl, tàm ală xã tiah nhàr dà lơgar neh geh 26 mpồl bal, rlau 480 hìu bơnhă, rlau 1 rbô 600 nă cau cih mat tus bal sền gàr is gùng nhàr lơgar, jrong nhàr lơgar. Bơdìh hơ̆ tai, làng bol tàm 51 thôn, ƀòn tiah nhàr dà lơgar cih mat hơ pơrgon tus bal rơcang sơndră cau tìs, broă lơh tìs tàm mpồl bơtiàn.

Cau mblàng K’Duẩn