Tus bal ngai chờ, ală mpồl pơrlòng tàm pơrlòng 2 tơngume: bơta gĭt wă mờ trŭ gơm phan sa. Tàm bơnah pơrlòng bơta gĭt wă, ală mpồl lơh ală phan sa ai kơnòm dềt in gơ jat bal mờ jơnau yal nền nòn phan trŭ gơm mờ broă trŭ gơm phan sa. Bơnah trŭ gơm phan sa, cau pơgru mờ cau trŭ gơm phan sa bơh tơl mpồl dê trŭ gơm tơn 10 dơ̆ sa klo ngai mờ sa mho bơh kơnòm dềt dê mờ giă priă 20 rơbô đông dùl dơ̆ sa. Jơnau sồr geh ai là ală bơnah phan sa gàr tơl 4 mpồl phan sa, geh: poăc, phan lơmă, bòk mờ vitamin.

Ngai chờ trŭ gơm phan sa gàr tơl bơta pràn să ai kơnòm dềt mầm non nam 2024 bơh Gah bơto bơtê càr Kon Tum bơyai lơh tàm 2 ngai, bơh ngai 6 tus ngai 7/04. Do là dơ̆ nàng kwang bàng atbồ, cau pơgru, cau lơh broă tàm ală hìu bơsram mầm non bơh càr dê cribơyai bè bơta gĭt wă, bơta chài tàm broă ngui, trŭ gơm phan sa dong kơnòm dềt geh uă dơ̆ sa bơkah mờ gàr tơl phan sa pràn să.