VOV4.K’ho - Pơn jăt tai broă pơrjum dơ̆ 10, drim do (26/04), Ủy ƀan Thường vụ Quốk hội mờ broă tam gơl, bơtơl tơngu me pơrjum Quốk hội. Rơndăp broă pơn jăt tai tam gơl, tơnguh uă bơta niam, cồng nha pơrjum Quốk hội neh geh rơcang lài nền nòn, sền wơl, tơrgùm jơh, kơlôi sơnơng nền nòn ală kơrnoăt tŭ do bè pơrjum Quốk hội. Bơh tŭ hơ̆, rơwah wơl, ai tơlik ală tơngu me pơn jăt tai tam gơl pa, tơnguh uă rơlao tai bơta niam, cồng nha pơrjum Quốk hội. Bơh pơrjum ni sơna dơ̆ sơnrờp pa do kung neh geh ai jơnau sồr pal kơlôi sơnơng bè lý luận mờ mùl màl bè tơngu me, broă bơyai lơh, tơngai lơh, sră nggal... ală kơrnoăt tơnơ̆ mờ tŭ tơlik pal mùl màl mờ mŭt mơ tàm rài kis.

Mho do (26/04), Ủy ƀan Thường vụ Quốk hội tơn jơh pơrjum dơ̆ 10. Lài mờ tŭ Củ tịc Quốk hội ồng Vương Đình Huệ đơs jơnau tơn jơh pơrjum, Ủy ƀan Thường vụ Quốk hội pơrjum ndơ̆p, pơgồp jơnau đơs bè jơnau yal tơn jơh kes priă dà lơgar nam 2020 mờ jơnau yal priă jền dà lơgar nam 2020.

Cau mblàng Ndong Brawl