VOV4.K’ho- Jat broă lơh Pơrjum dơ̆ 3, Quôk hội khoá 15, ngai 27/05, Quôk hội pơn jat tai lơh broă tàm Hìu pơrjum, cribơyai bè ală rơndap broă lơh Adat.

Ƀùi drim, Quôk hội iăt, kơno Ƀộ trưởng Ƀộ Nội vụ mò Phạm Thị Thanh Trà, dờp gơnoar bơh Thủ tướng Cíñ phủ dê yal Jơnau yal rơndap broă lơh Adat lơh jat làng bol lơh tờm tàm ƀòn lơgar. Pơn jat hơ̆, Củ ñiệm Ủy ƀan Adat boh lam bơh Quôk hội dê ồng Hoàng Thanh Tùng yal Jơnau yal sền sơ wì rơndap broă lơh adat do dê. Tơnơ̆ hơ̆, Quôk hội, iăt, kơno Ủy viên Ủy ƀan Thường vụ Quôk hội, Củ ñiệm Ủy ƀan Mpồl bơtiàn bơh Quôk hội dê mò Nguyễn Thúy Anh yal jơnau yal mblàng yal, iăt, kơno, lơh niam wơl rơndap cih Adat tàm pơrlòng, pà khà jờng. Quôk hội cribơyai tàm Hìu pơrjum bè bàr pe tơngume geh jơnau đơs krơi is bơh rơndap broă lơh Adat tàm pơrlòng, pà khà jờng.  

 Cau mblàng K’Hạnh