VOV4.K’ho - Pơn jăt tai broă Pơrjum kwang bàng Quốk hội lơh broă tờm, ngai do (29/03), ală kwang bàng pơgồp jơnau đơs tàm rơndăp broă adăt lơh lơma (tam gơl) mờ rơndăp broă adăt kă bro ƀảo hiểm (tam gơl).

          Pơrjum kwang bàng Quốk hội lơh broă tờm pơgồp jơnau đơs tàm 2 rơndăp broă lơh adăt boh lam

Tàm hơ̆, Adăt lơh lơma geh tam gơl tơl ală bơta nàng thể cế jơh gùng dà, broă lơh bơh Đảng, sơnoa boh lam nam 2013, bơ̆t bơtàu rài lơh lơma Việt Nam jăk chài, lơh pa, geh uă bơta niam chài kòn cau di pal mờ lơh sa drà kă bro wèt jăt gùng dà xã hội chủ nghĩa mờ geh nùs nhơm ring bal tàm adăt boh lam, lơh geh cồng nha jơnau hơ tàm ală gah broă adăt boh lam dunia bè gah lơh lơma mờ tơnguh bơtàu broă lơh lơma mờ măi mŏk. Ală tơngu me gam geh jơnau đơs ờ ndrờm bal tàm rơndăp broă lơh adăt là: Broă lơh bơh Dà lơgar bè tơnguh bơtàu lơh lơma, broă lơh lơma mờ măi mŏk; ai broă lơh drơng ala lơh lơma ai mpồl lơh broă, cau dùl nă să lơgar bơdìh; lơh lơma ngui kes priă dà lơgar; Yal lơma tàm internet; mờ Kes priă dong kờl tơnguh bơtàu lơh lơma.

Cau mblàng Ndong Brawl