VOV4.K’ho- Mho ngai 30/03, tàm Hà Nội geh lơh dơ̆ pơrjum dơ̆ sơnrờp Pơrjum dờng Mpồl cau lơh sa kă bro kơnòm să Việt Nam dơ̆ 7, tơngai lơh broă bơh nam 2022- 2025. Tus bal pơrjum dờng geh 800 nă cau lơh sa kă bro kơnòm să pơnrơ jak ala măt ai rlau 11 rbô nă cau lơh sa kă bro mờ cau tàm mpồl in tàm jơh gùt lơgar.

Pơrjum sền swì srơh bơh ală cau lơh sa kă bro kơnòm să dê tàm bơtàu tơnguh lơh sa, lơh broă mpồl bơtiàn mờ lơh broă bơh Mpồl cau lơh sa kă bro kơnòm să Việt Nam dê tơngai bơh nam 2018- 2021; bơyai gùng dà broă lơh mờ kơnòl broă tàm tơngai lơh broă bơh nam 2022- 2025 mờ Pồ Mpồl đơng lam Mpồl cau lơh sa kă bro kơnòm să Việt Nam khoă 7. Ông Trần Anh Vương, Phó Kwang ătbồ Mpồl cau lơh sa kă bro kơnòm să Việt Nam pà gĭt: Bơta pa bơh tơngai lơh broă tus dê là lơh kơnòm mpồl kwang đơng lam bồ mpồl; ală broă lơh kơlôi tus bơta pa mờ bơceh lơh, mŭt gơrờm bal mờ dunia; lòt bal mờ ală tiah pờ ơnàng tai mpồl sơnđờm mŭt lơh broă bơceh lơh. Tàm dơ̆ pơrjum, mang ngai do 30/03, Mpồl cau lơh sa kă bro kơnòm să Việt Nam bơyai lơh Dơ̆ jàu khà jờng Sơrmañ rmĭt ù tiah Việt Nam nam 2021, jờng rơ Mpồl 10, Mpồl 100 mờ Mpồl 200- Măt kă bro phan pơnrơ Việt Nam.

Cau mblàng Lơ Mu K’Yến