VOV4.K’ho- Drim do 18/05, tàm Hà Nội geh lơh Pơrjum mblàng yal mờ lam lơh jăt Kơrnoăt sồ 06 bơh Ƀộ Cíñ trị dê ngai 24/01/2022 “Bè rơndăp ù tiah bơ̆t bơtàu ătbồ mờ bơtàu tơnguh kơ̆ kơl jăp tiah drà Việt Nam tus nam 2030, wèt sền tus nam 2045”. Jăt bơta kờp dŭ bơh Tổng kụk Tơrgùm kờp dê, khà lơh tiah drà tàm lơgar Việt Nam nam 2010 là 30,39%, tus nam 2020 là 36,8%. Ală tŭ lơh tiah drà geh lơh pràn ngan rlau jơh tàm 2 tiah lơh sa- mpồl bơtiàn kwơmàng, hơ̆ là tiah ring dà dờng Hồng mờ tiah đah jum măt tơngai mŭt dà lơgar, êt ngan rlau jơh là tiah dòr bơnơm đah tô dà lơgar.

Lơh tiah drà mờ bơtàu tơnguh tiah drà lơh gơlik ală bơta ƀươn ai bơtàu tơnguh lơh sa- mpồl bơtiàn in, dong ntrờñ rơndăp tăp sèng lơh sa mờ rơndăp cau lơh broă jăt gùng dà lơh sa mờ măy mok pa, măy mok lơh is jơh lơm; bơta bơtàu tơnguh bơh bàr pe tiah drà dê neh lơh gơlik bơta gơn kơnờm dong bơta bơtàu tơnguh lơh sa- mpồl bơtiàn tàm tiah ƀòn lơgar...Bulah bè hơ̆, bal mờ ală cồng nha niam ngan neh lơh geh kung gam sơl ală bơta ờ hềt niam, ờ hềt pràn jak tàm bơtàu tơnguh tiah drà tŭ do...Bơta geh ngan do gam gơ ai tơlik ai ală gah lơh broă geh gơnoar in pal geh broă lơh dùl ròt bal nàng bơtàu tơnguh tiah drà dờng gơ gơs ală tiah gơguh lơh sa; kơlôi sơnơng ai lơh jăt kơrnoăt gùng dà broă lơh is tàm bơtàu tơnguh tiah drà.

Cau mblàng Lơ Mu K’Yến