VOV4.K’ho- Tơnơ̆ 6 ngai lơh broă, mho do (10/5), Pơrjum dơ̆ 5 Ƀan Cấp hàñ Đảng dà lơgar khóa 13 neh pơrjum tơn jơh tàm Hà Nội. Tàm ală ngai do, Pơrjum dơ̆ 5 Ƀan Cấp hàñ Đảng dà lơgar khóa 13 neh cribơyai, ai jơnau đơs gơ rềng tus uă broă kuơmàng.

Ngai lơh broă dơ̆ 5 bơh Pơrjum dơ̆ 5 Ƀan Cấp hàñ Đảng dà lơgar dê

Ală kwang bàng cribơyai, ai jơnau đơs bè: Tơn jơh 10 nam lơh jat Nghị quyết pơrjum Đảng dà lơgar dơ̆ 6 khóa 11 bè pơn jat tai tam gơl pa broă lơh, adat boh lam bè ù tiah tàm tŭ tơngai chồl pràn tơl làm broă lơh tam gơl pa. Tơn jơh 15 nam lơh jat Nghị quyết pơrjum Đảng dà lơgar dơ̆ 7 khóa 10 bè lơh sa suơn sre, cau lơh broă sa, ƀòn lơgar. Tơn jơh 20 nam lơh jat Nghị quyết pơrjum Đảng dà lơgar dơ̆ 5 khóa 9 bè pơn jat tai tam gơl pa, bơtàu tơnguh mờ tơnguh cồng nha lơh sa mpồl bal. Rơndap broă lơh bơt bơtàu mpồl duh broă Đảng mờ đảng viên. Rơndap broă lơh crơng gơs Mpồl đơng lam kâp càr bè rơcang sơndră sa kuề sa kuà, broă ờ niam. Jơnau yal sền tìs di bơta đơng lam, pơlam bơh Ƀộ Cíñ trị, Ƀan Bí thư dê nam 2021 mờ 2, 3 broă kuơmàng ndai.

Cau mblàng K’Duẩn