VOV4.K’ho - Broă lơh Thủ tướng Cíñ phủ tìp măt, cri bơyai mờ kông ñân lơh broă mờ tơngu me “Kông ñân Việt Nam mờ nùs nhơm kờñ tơnguh bơtàu dà lơgar” geh bơyai lơh tàm ngai hìng (12/06) tus tàm càr Bắc Giang.

Do là jơnau yal tàm pơrjum ƀăo geh Tổng Liên đoàn Lao động Việt Nam bơyai lơh tàm Hà Nội. Tàm pơrjum ƀăo, ala măt Tổng Liên đoàn Lao động Việt Nam pà git: Broă Thủ tướng Cíñ phủ tìp măt, cri bơyai mờ kông ñân lơh broă geh 4 rơbô 500 nă cau lơh broă tus bal tàm anih pờ tơlik tàm càr Bắc Giang mờ geh bơyai lơh pờ tơlik tàm 63 càr, ƀòn dờng. Do là broă bơyai lơh nàng đoàn viên, kông ñân lơh broă tìp bal, tơlik nùs nhơm kơ̆p kờñ mờ dan geh ală broă gơrềng bal tus mờ broă lơh, rài kis mờ cau lam bồ Cíñ phủ. Thủ tướng Cíñ phủ geh iăt, đơng lam bơsong ală jơnau mờ cau lơh broă geh đơs.

Cau mblàng Ndong Brawl