VOV4.K’ho - Ngai 16 nhai 1 tus do, tàm Học viện kảnh sát Ñân zân, broă ai mhàm dong kờl ngai Rơlô pơrhê dơ̆ 14 geh mùl màl sơn đờm. Broă lơh nam do dờp geh broă sền gròi bơh ală ƀộ, gah lơh broă dà lơgar, tàm hơ̆ uă ngan là broă tus bal bơh rơlao 40 càr, ƀòn dờng, kờp dŭ dờp geh bơh 45 rơbô tus 50 rơbô kơl dung mhàm.

                                      Dơ̆ pơrjum ƀăo yal bè broă lơh Ngai rơlô Pơrhê nam 2022

Bŭ lah ờ hềt mùl màl sơn đờm, mơya bơh nhai 11 nam lài tus tŭ do, ală anih ai mhàm dong kờl bơh Ngai rơlô pơrhê tàm 15 tiah neh dờp geh mờr 6 rơbô kơl dung mhàm, di pal mờ broă kờñ mhàm ai broă sơm kòp tàm tơngai lài mờ satềp, tàm satềp mờ tơnơ̆ mờ satềp Ñâm Zần nam 2022. Jơnau yal “Ai mhàm dong klàs cau-màng is bơh bơyô mờ añ” geh sùm rơlao jơ̆ nam bơh tŭ ngai chờ Ngai rơlô pơrhê geh ƀăo Tiền phong lam lơh neh gơs jơnau hòi jà pràn kơl dang pah dơ̆ nam pa tus nàng hòi jà geh broă sền gròi bơh uă anih lơh broă, mpồl lơh broă bal mờ gal làng bol gơwèt uă sơnam, ù tiah, jơi bơtiàn kòn cau, gah lơh broă geh tus bal ai mhàm dong kờl.

Cau mblàng Ndong Brawl