VOV4.K’ho - Ngân hàng dunia (WB) tàm lơgar Việt Nam neh bơyai lơh dơ̆ yal Điểm tơrgùm bè broă lơh sa lơgar Việt Nam dê geh ai tơngŏ tàm nhai 8 nam 2022 mờ tơngu me “Bơto bơtê nàng gơguh”.

Jơnau yal geh đơs tus ală bơta pa ngan bơh gah lơh sa lơgar Việt Nam dê, ai geh ală jơnau yal lài bè bơta pràn ờ jŏ mờ di mơ tơngai bơh gah lơh sa kung bè ală jơnau yal bè rềs àr tàm dơlam mờ bơdìh gơrềng tus mờ bơta pràn gơguh lơh sa lơgar Việt Nam dê. Jơnau yal geh đơs, broă brồ guh wơl lơh sa lơgar Việt Nam dê gơguh tàm 6 nhai bồ nam pa do, kơnờm mờ tiah bơceh lơh, lơh gơs phan ngui sa kơ̆ kơl jăp mờ ală gah broă drơng ala brồ guh pràn kơl dang. Den tàng, jăt WB yal, gơguh GDP geh yal lài gơguh pràn bơh 2,6% tàm nam 2021 tus 7,5% tàm nam 2022, khà phan kă bro gơguh kas geh yal lài gơguh 3,8%. Kung jăt WB yal, tam gơl broă bơto đại học là bơta tờm nàng tơnguh uă cồng nha bơh lơgar Việt Nam dê mờ dong kờl lơh gơs jơnau kờñ gơs lơgar geh priă di mơ uă tàm nam 2035 mờ gơs lơgar geh priă gơguh uă tàm nam 2045.

Cau mblàng Ndong Brawl