VOV4.K’ho- Ngai 12/01, tàm Hà Nội, Ƀan Nội cíñ dà lơgar bơyai lơh Pơrjum pờ tơn tàm internet gùt lơgar tơn jơh broă lơh ngàñ Nội cíñ Đảng nam 2021 mờ lam lơh jăt kơnòl broă nam 2022. Ồng Phan Đình Trạc là Ủy viên Ƀộ Cíñ trị, Ƀí thư Đảng dà lơgar, Kwang ătbồ Ƀan Nội cíñ dà lơgar, Phó Kwang ătbồ Mpồl duh broă sùm Mpồl đơng lam dà lơgar bè rơcăng sơndră sa kwề sa kwà mờ jơnau ờ niam đơng lam pơrjum.

Đơs pơndŭt pơrjum, ồng Phan Đình Trạc đơs nền, broă lơh nội cíñ Đảng nam 2021 lơh geh uă cồng nha pơnrơ mờ tơl ală bơta. Bè kơnòl broă tờm nam 2022, ồng Phan Đình Trạc sồr jơh gùt ngàñ Nội cíñ Đảng tơnguh uă cồng nha lơh broă kơlôi sơnơng, dan geh gùng dà, nùs nhơm pơlam gùng bơh Đảng dê bè broă lơh nội cíñ, rơcăng sơndră sa kwề sa kwà mờ lơh niam wơl sền gàr adat boh lam, tàm hơ̆ mhar lơh sir ală rơndăp broă lơh dờng jun yal mờ Ƀan Cấp hàñ Dà lơgar, Ƀộ Cíñ trị, Ƀan Ƀí thư in jăt broă rơndăp lơh.

Cau mblàng Lơ Mu K’Yến