VOV4.K’ho - Tàm “Nhai ơruh pơnu”, Đoàn ơruh pơnu Kông ty Điện lực Dăk Lăk bơyai lơh uă broă lơh geh kwơ. Mùl màl, kông ty do neh pà phan ai 6 nă kơnòm bơsram rơƀah bơsram jăk tàm xã Bình Hoà, kơnhoàl Krông Ana, tơl pò phan geh 2 tơlăk đong; lơh jăt broă lơh “Sòl àng gùng ƀòn” tàm ƀòn Giang Xuân, xã Ea Dah, kơnhoàl Krông Năng jòng 1 kơi sồ gùng che ồs đèng mờ 19 nơm ƀong đèng sòl àng tàm mpồl bơtiàn, kờp jơh geh rơlao 30 tơlăk đong.

                      Đoàn ơruh pơnu PC Dăk Lăk pà phan kơnòm bơsram gơtìp kal ke in

Kung tàm nhai ơruh pơnu, kông ty do neh lơh jăt broă lơh “Sòl àng gùng ƀòn” geh 50 tơlăk đong, lơh rơlao 1 kơi sồ gùng che ồs đèng mờ 22 nơm ƀong đèng sòl àng ală gơl gùng tàm ƀòn Sút Mdrang, xã Cư̆ Suê, kơnhoàl Cư̆ Mgar. Bal mờ ală broă lơh tàm rài kis mpồl bơtiàn, ơruh pơnu PC Dăk Lăk pơn jăt tai lơh jăt bơnah broă sền kỹ thuật gùng che ồs đèng trung, hạ áp, anih biến áp tiah nhàr dà lơgar Ea Súp.

Cau mblàng Ndong Brawl