Ơm tàm ală broă lơh Nhai Ơruh pơnu mờ Nhai 3 tiah nhàr lơgar nam 2023, tàm ƀlàng bràs dà lềng xã Giao Hải, kơnhoàl Giao Thuỷ, càr Nam Định, Pôs đồng ling sền gàr tiah nhàr lơgar Quất Lâm, Mpồl ling sền gàr tiah nhà lơgar càr Nam Định bal mờ Viện Việt Nam họk mờ khoa họk bơtàu tơnguh- Hìu bơsram Đại họk Dà lơgar Hà Nội, Ủy ƀan Ñân zân xã Giao Hải mờ bàr pe mpồl lơh broă ndai pơgồp bal bơyai lơh broă lơh “Lơh sàng goh tĕ ƀlàng bràs dà lềng” mờ tơngume “Sơm bat tê bal lơh sàng goh dà lềng Giao Hải- wăc sềr bal dà lềng dờng sơlơ tơlir”.

Mờ bơta tus bal bơh rlau 400 nă kwang bàng, cau ling, kơnòm bơsra m, cau bơsram dờng, đoàn viên, ơruh pơnu dùl ròt bal lòt khòm tơrgùm sồ siă, wàs sàng goh tiah ơm kis jăt kềng gah ƀlàng bràs dà lềng xã Giao Hải. Broă lơh nàng kờñ dong kwang bàng, kơnòm bơsram, cau bơsram dờng, đoàn viên, ơruh pơnu mờ làng bol gĭt loh geh bơta geh ngan bơta sồ siă đùh tàm tiah jăt kềng gah dà lềng Giao Hải, sền gĭt bơh tiah gơlik geh, ală bơta sồ siă đùh uă ngan rlau jơh, gĭt wă bơta gơrềng bơh sồ siă đùh tus tàm brê bơnơm geh is mờ mpồl bơtiàn tiah do dê. Bơh hơ̆, tơnguh uă bơta gĭt wă bơh mpồl bơtiàn dê bè broă sồ siă, hòi jà tơl nă cau sơm bat tê bal lơh broă sền gàr tiah ơm kis dà lềng, lơh geh rài kis niam tơlir, rài kis niam bơnĕ, kis geh kwơ, tài mpồl bơtiàn,....