VOV4.K’ho - Di ngai cau lơh sa kă bro Việt Nam ngai 13 nhai 10, drim òr (11/10), Họk viện Cíñ trị Dà lơgar Hồ Chí Minh pơgồp bal mờ Mpồl kă bro mờ lơh sa mờ măi mŏk Việt Nam (VCCI) bơyai lơh pơrjum cri bơyai khoa họk mờ tơngu me “Nùs nhơm cau lơh sa kă bro mờ bơta chài rơgơi kă bro Việt Nam tàm bơta pa”.

Đơs tàm pơrjum cri bơyai, Kwang atbồ Họk viện Cíñ trị Dà lơgar Hồ Chí Minh ồng Nguyễn Xuân Thắng đơs tờm, nùs nhơm cau lơh sa kă bro geh gơnoar tus bal tam pà, ai geh gùng dà broă lơh ai ală broă kă bro in jăt mờ gùng dà gơguh jăk, tài kòn bơnus. Den tàng, nùs nhơm cau lơh sa kă bro, bơta chài rơgơi kă bro ờ mìng pơgồp bal tàm broă chồl pràn mpồl lơh sa kă bro lòt bal mờ mpồl bơtiàn, tơnguh kơnòl mờ mpồl bơtiàn, tiah kis niam mờ gam là bơta pràn tàm dơlam nàng chồl pràn broă tơnguh bơtàu kơl jăp bơh să tờm mpồl lơh sa kă bro dê.

VOV.vn – Cau mblàng Ndong Brawl