VOV4.K’ho- Đơs nền tàm dơ̆ pơrjum pờ tơlik tơn tàm internet bè rơcang sơndră tơrluh ù tàm càr Kon Tum geh lơh drim ngai 19/4 tàm Hà Nội, ồng Trần Quang Hoài, Phó Kwang atbồ Mpồl đơng lam dà lơgar bè rơcang sơndră trồ tiah lơh aniai sồr, ờ dơng tai dà tàm tơnau dơng dà hìu măi pờ tơlik ồs đèng Thượng Kon Tum tàm tŭ do.

Khà tơrgùm kờp bơh Viện Vật lý Địa cầu, Viện Hàn Lâm Khoa họk mờ Kông nghệ Việt Nam ai gŏ, tàm tơngai rềp ndo, mùl màl là bơh nhai 4 nam 2021 tus tŭ do, ală khà tơrgùm kờp ai gŏ bơta tơrluh ù gơlik geh tàm kơnhoàl Kon Plông mờ tiah rềp bal geh khà gơlik geh sùm mờ ngai sơlơ pràn rlau, ngan là tàm ală ngai 15 mờ 18/4 pa do neh git gŏ tơrluh ù gơlik geh sùm tàm tiah do mờ kờp jơh geh 22 dơ̆ tơrluh ù bal mờ bơta pràn bơh 2,5 tus 4,5 đồ richter. Bulah tus tŭ do ờ hềt sền gŏ hoàc huơr bè hìu đam mờ kòn bơnus tàm tiah tơrluh ù, mơya ală rơnggô ù tài bơh tơrluh ù lơh gơbàn neh lơh gơ rềng tus rài kis bơh làng bol tàm tiah do dê.

Cau mblàng K’Duẩn