Rơndap broă lơh bơcri priă lơh gùng Hồ Chí Minh gơl gùng pleh tiah đah mat tơngai lik ƀòn dờng Buôn Ma Thuột, càr Dăk Lăk kờp jơh geh priă bơcri lơh rlau 1 rơbô 500 tơmàn đong, lòt gan ù tiah ală kơnhoàl Cư M’Gar, Cư Kuiñ, Krông Pách mờ ƀòn dờng Buôn Ma Thuột. Tơngai mut lơh rơndap broă lơh bơh nam 2020 tus jơh nam 2023. Rơndap broă lơh geh broă bơt bơtàu gùng lòt kấp II, kờp jơh bơta jòng mờr 40 kơi sồ, khà ntoăt răt geh lơh 80 kơi sồ dùl jiơ.

Tus tŭ do, rơndap broă lơh pa jàu ù geh pơgap 60% mơya neh jơh priă nàng ai ù mờ jat jơnau kờp dŭ gơguh tai 332 tơmàn đong nàng lơh sir ală bơta broă do. Dilah rơndap broă lơh kung gam pơn jat tai lơyài, ờ gơtùi lơh sir di mờ tơngai neh geh ai (hơ̆ là lồi nam 2023), Ƀộ Giao thông Vận tải sồr Ƀí thư Tỉñ ủy mờ Củ tịc Ủy ƀan Ñân zân càr Dăk Lăk sền sơ wì broă lơh kwơ màng tàm broă lơh glài kơnòl broă bơh cau atbồ gơwèt mờ Mpồl adat bồ rơndap broă lơh bơcri priă lơh broă bơt bơtàu gùng lòt mờ lơh sa suơn sre bơtàu tơnguh ƀòn lơgar càr Dăk Lăk dê (hơ̆ là cau tờm bơcri priă).