VOV4.K’ho- Tàm Hìu lơh broă Quôk hội, Củ tịc Quôk hội ồng Vương Đình Huệ đơng lam dơ̆ lơh broă mờ Thường trựk Ủy ƀan Lơh sa bơh Quôk hội dê ai jơnau đơs bè jơnau yal sền gròi 5 nam lam lơh jat Nghị quyết sồ 31 nam 2016 bơh Quôk hội dê bè ơm ờ lơh rơndap broă lơh ồs đèng hạt ñân Ninh Thuận.

Tàm dơ̆ lơh broă, tơnơ̆ tŭ iat ală jơnau đơs cribơyai, Củ tịc Quôk hội ồng Vương Đình Huệ đơs nền, broă ơm ờ lơh rơndap broă lơh ồs đèng Ninh Thuận là dùl gùng dà, broă lơh nền di ngan bơh dà lơgar dê mờ sồr, Ủy ƀan Lơh sa bơh Quôk hội dê cih dờp jơnau đơs tàm pơrjum, pơgồp bal mờ ală Ƀộ, gah broă lơh mờ càr Ninh Thuận lơh sir jơnau yal gròi sền cồng nha 5 nam lơh jat Nghị quyết sồ 31 bơh Quôk hội dê, sền sơ wì ală cồng nha neh lơh geh mờ bơta gam ờ niam, ngan là bè broă ntrờn làng bol, rơndap ƀòn ơm kis pa, rơndap ai ù tiah ai broă lơh sa in tơnơ̆ tŭ ơm ờ lam lơh rơndap broă lơh ồs đèng hạt ñân, tơlik jơnau dan, jơnau sồr tus mờ Quôk hội, Cíñ phủ nàng pơn jat tai tă bơsong kal ke, lơh gơlik bơta niam ai càr Ninh Thuận in pơn jat tai bơtàu tơnguh mhar, kơ̆ kơljap rlau tai.

Cau mblàng K’Duẩn