VOV4.K’ho -  Di dơ\ sa Tềp bơhiàn Ất Mùi 2015, drim òr 04/02, tàm Hà Nội, ồng Đinh Thế Huynh kuăag geh jơng Gah Gùng dră bal dà lơgar, Kuang đơng lam Đảng Dà lơgar, mơkung la Kuang atbồ Mpồl mblàng yal gùng dà broă lơh Đảng Dà lơgar lòt còp mờ nting săp sa Tềp ờ uă hìu bơnhă cau geh bồ tơngoh jak mờ cau chài pơn rơ ngan tàm ù tiah càr lơgar Hà Nội. Tàm hìu is bơh ală hìu bơnhă dê, ồng Đinh Thế Huynh pơyua jơnau nting săp tus ală cau geh bồ tơngoh jak mờ cau chài pơn rơ ngan mờ hìu bơnhă dùl nam pa pràn kơldăng, ngăp lơngai, ờdo ờdă. Mờ ồng kung đơs tờm: Đảng, Dà lơgar đơs niam ngan ală bơta tă pơ gồp bơh ală cau geh bồ tơngoh jak, cau jak, mờ ală cau chài dê tus mờ broă lơh bơ\t bơtàu dà lơgar, chul chồl bơta bơtàu tơnguh jak chài, bơto bơtê, cih sră lơh bơta niam chài, pơ gồp bơnah bơtàu tơnguh lơh sa-mpồl bơtiàn bơh dà lơgar dê. Ồng Đinh Thế Huynh kơ\p kờn ală cau geh bồ tơngoh jak, ală cau chài pơn jăt tai kơlôi sơ nơng jak chài, bơceh pa, brồ guh nùs nhơm lơh broă jơh nùs nàng tă pơ gồp uă rlau tai tus mờ bơta bơtàu tơnguh bơh dà lơgar dê.