Ngai 6/10, Pơrjum dơ̆ 8 Ƀan Cấp hàñ Đảng Dà lơgar khoă XIII mut tàm ngai lơh broă dơ̆ 5. Ƀùi drim, Ƀan Cấp hàñ Đảng Dà lơgar lơh broă tàm Hìu pơrjum cribơyai bè sền sơ wì tơn jơh 15 nam lơh jat Nghị quyết bơh Ƀan Cấp hàñ Đảng Dà lơgar dơ̆ X bè bơt bơtàu mpồl cau gĭt wă tàm rài lơh pràn lơh sa mờ măi mok, măi mok lơh jơh lơm Dà lơgar dê.  Mò Trương Thị Mai, Kwang bàng Ƀộ Cíñ trị, Lơh broă sùm Ƀan Ƀí thư, Kwang atbồ Mpồl Rơndăp broă Dà lơgar ala mat Ƀộ Cíñ trị đơng lam dơ̆ cribơyai.

Tàm dơ̆ lơh broă ƀùi drim, Ƀan Cấp hàñ Đảng Dà lơgar pồ bơtơl ồng Lê Hoài Trung, Kwang bàng Đảng Dà lơgar, Kwang atbồ Mpồl lơh broă mờ lơgar ndai Dà lơgar at gơnoar broă Kwang bàng Ƀan Ƀí thư Đảng Dà lơgar khoă XIII. Ƀùi mho, Ƀan Cấp hàñ Đảng Dà lơgar lơh broă tàm mpồl, cribơyai bè sền sơ wì tơn jơh 10 nam lơh jat Nghị quyết bơh Ƀan Cấp hàñ Đảng Dà lơgar khoă IX bè ngui niam bơta pràn tam klăc dờng jơh gùt jơi bơtiàn tài bơh làng bol pas gơs, dà lơgar pràn kơl dang, mpồl bơtiàn ring bal, làng bol lơh tờm, ngăc ngar.