Tus bal Pơrjum dờng geh 300 nă kwang bàng ala mat ai nùs nhơm bồ tơngoh, bơta kơ̆p kờñ bơh mờr 85 rơbô nă đoàn viên, kwang bàng, kông cứk, viên cứk, cau lơh broă gơwèt Kông đoàn Viên cứk lơgar Việt Nam dê. Tơngai lơh broă bơh nam 2018-2023, ală kấp Kông đoàñ Viên cứk Việt Nam lam lơh ală broă lơh mờ 3 tềl lời wơl kwơ màng, geh uă broă lơh tam gơl pa broă lơh lơh broă, broă lơh bơceh lơh nàng kờñ di pal mờ bơta geh ngan, di pal broă bơtàu tơnguh bal.

Pơrjum dờng neh pồ Ƀan Cấp hàñ Kông đoàn viên cứk Việt Nam khoă VI tơngai lơh broă 2023-2028 geh 35 nă. Ồng Ngọ Duy Hiểu, Phó Củ tịc Tổng Liên đoàn Lao động Việt Nam pơn jat tai geh pin dờn, pồ lơh Củ tịc Kông đoàn Viên cứk Việt Nam khoă VI. Tơngai lơh broă bơh nam 2023- 2028, Kông đoàn Viên cứk Việt Nam sền gĭt 3 broă lơh bơtàu tơnguh mhar, tàm hơ̆ geh: Bơt bơtàu mpồl kwang bàng Kông đoàn ală kấp; Pơgồp bal mờ kwang đơng lam bồ anih lơh broă, mpồl lơh broă, mpồl lơh sa kă bro tơnguh uă bơta jak mpồl cau lơh broă in; Lơh pràn tam gơl sồ tàm broă lơh bơh anih lơh broă, mpồl lơh broă dê, sền gròi tam gơl sồ tàm broă lơh Kông đoàn.