Tàm nùs nhơm ki ngàm ngan, ồng Nguyễn Xuân Thắng bal mờ mpồl lơh broă mờ kwang đơng lam bồ càr neh ơn goàng bơkàu, chu ñàng tơlik nùs nhơm jơh nùs ki ngàm, gĭt ưn ngài Tổng Ƀí thư ồng Trần Phú bal mờ ală tă pơgồp dờng ngan ai broă lơh kăc màng bơh Đảng, bơh jơi bơtiàn mờ Làng bol he dê. Ồng Trần Phú là dồ nă cau đơng lam bồ jak chài ngan, cau ling kộng sản dòn song kơ̆ nùs, neh jơh dồ rài kis tam lơh, phi să tài lơngăp lơngai is, khăt gơboh is bơh Dà lơgar dê, tài bơta chờ hờp bơh Làng bol dê.

Mho ngai 16/04, tàm càr Hà Tĩnh, Họk viện Cíñ trị Dà lơgar Hồ Chí Minh, Ƀan Tuyên zăo Dà lơgar mờ Tỉñ ủy càr Hà Tĩnh pơgồp bal bơyai lơh tìp măt cribơyai jak chài bal mờ tơngume “Tổng Ƀí thư ồng Trần Phú- Cau ling Kộng sản dòn song kơ̆ nùs, khin cha jak chài, cau kòn jak ngan bơh jơi bơtiàn Việt Nam dê”.