Đơs tàm dơ̆ đơng lam lơh broă, ồng Phan Đình Trạc đơs niam cồng nha đơng lam, sồr lơh bơh Ƀan Thường vụ Tỉñ ủy dê bè broă nội cíñ, lơh niam wơl tư pháp mờ broă sơndră mờ sa kuề sa koà, bơta ờ niam.

Kwang atbồ Ƀan Nội cíñ Dà lơgar sồr càr Tây Ninh tơnkah, tơrgùm đơng lam, sồr lơh ală tơngu me bè sền gàr bơta lơngăp lơngai tiah nhàr dà lơgar, bơta lơngăp lơngai mpồl bơtiàn, jăt yàng, kông ñân; tơnguh uă cồng nha broă lơh mờ broă pơgồp bal đah anih lơh broă nội cíñ, tư pháp; tơnguh broă sền gròi, jăt sền nàng sền gròi gơnoar pràn tàm broă yal yă yal khài, lơh jăt broă cah rơña. Ồng Phan Đình Trạc kung sồr càr Tây Ninh pal tơnkah broă sền gròi is, jăt sền tàm dơlam is, tơnguh uă bơta “sền is, lơh wơl is” gơwèt mờ tơl nă kwang bàng, đảng viên mờ tơl mpồl lơh broă, tàm hơ̆ uă ngan là ală gah broă ƀuơn gơlik geh sa kuề sa koà, bơta ờ niam.