VOV4.K’ho- Ngai 19/06, ồng Phan Đình Trạc- Ủy viên Ƀộ Cíñ trị, Ƀí thư Đảng dà lơgar, Kwang atbồ Ban Nội cíñ dà lơgar bal mờ Mpồl kwang bàng Quốk hội mpồl lơh broă Lâm Đồng dê, neh tìp mat mờ cau tĕ khà tàm xã Đại Lào, ƀòn dờng Bảo Lộc mờ xã Liên Đầm, kơnhoàl Di Linh. Tàm ală tiah tìp mat, cau tĕ khà tơngŏ bơta chờ hờp bè cồng nha bơh pơrjum dơ̆ 3 dê, ngan là Quốk hội neh lời uă tŭ jiơ cribơyai, ring bal uă tơngume kwơ màng. Mờ cau tĕ khà pơn jat tai dan tus mờ Mpồl kwang bàng Quốk hội mpồl lơh broă càr Lâm Đồng dê ală broă gơlik geh pal geh sền gròi mờ bơsong.

Ồng Phan Đình Trạc tìp mat mờ cau tĕ khà tàm Lâm Đồng

Ala mat Mpồl kwang bàng Quốk hội càr Lâm Đồng, ồng Phan Đình Trạc neh iăt, kơno ală jơnau đơs, jơnau dan bơh cau tĕ khà dê mờ hơ tơn bàr pe tơngume gơwèt gơnap gơnoar ồng dê. Mìng is broă lơh rcang sơndră sa kwề sa kwà, ồng Phan Đình Trạc đơs ngan geh “ờ geh tiah kơryan, ờ geh bơta đah bơdìh” mờ geh pơn jat tai lơh jat kràñ cê jơh nùs rlau tai tàm tơngai tus.

Cau mblàng K’Hạnh