Cồng nha, ồng Trần Thanh Mẫn, Kwang bàng Ƀộ Cíñ trị, Phó Củ tịc Duh broă sùm Quôk hội khoă XV. Jơnau lơh nền tàm pơrjum (Nghị kwê̆t) bè broă pờ tê ring bal mờ 475 tàm jơh 475 nă kwang bàng geh tus pờ tê ring bal (geh tus 97,54% kờp jơh khà kwang bàng Quôk hội). Củ tịc Quôk hội pa yal bơr guh ăt gơnoar broă dòn song mờ Dà lơgar, Làng bol mờ Sơnoa boh lam tềng đăp Quôk hội tŭ guh ăt gơnoar broă.

YAL DỒ ÊT RÀI KIS ỒNG TRẦN THANH MẪN       

Kwang bàng Ƀộ Cíñ tri, Củ tịc Quôk hội lơgar Kộng hoà Xã hội Củ nghĩa Việt Nam

- Deh: ngai 12 nhai 08 nam 1962; Cau: Klau; Jơi bơtiàn: Yoan

- Ƀòn tờm: Xã Thạnh Xuân, kơnhoàl Châu Thành A, càr Hậu Giang.

- Rài kis hìu bơnhă: Cau lơh broă sa.

- Broă lơh tŭ geh rwah lơh broă: Kơnòm bơsram.

- Ngai geh rwah lơh broă lơh kwang bàng, kông cưk, viên cưk: 01/07/1979.

- Ngai mŭt Đảng: 25/08/1982. Ngai mŭt ngan ngồn: 25/08/1983.

- Broă bơsram:

+ Bơto bơsram bal: 12/12.

+ Kâp bơsram, Sră cơng tàng bơsram dờng ngan rlau jơh: Tiến sĩ Lơh sa.

+ Bơsram jơnau tàm sră pơ àr Cíñ trị: Kử ñân Cíñ trị gah bơto bơsram ngan ngồn.

- Jờng rơ pà phan ƀàn:

+ Gai lòng Lơh broă khà Dùl, Bàr, Pe (nam 2005; 2010; 2017).

+ Gai lòng Sền gàr Dà lơgar khà Pe ( nam 2011).

+ 03 Sră jờng rơ bơh Thủ tướng Cíñ phủ dê.

+ Cau jak tàm pơrlòng gùt lơgar  (nam 2000; nam 2009).

- Lơh glài: Ờ

- Kwang bàng rơcăng lài Đảng Dà lơgar khoă X.

- Kwang bàng Đảng Dà lơgar khoă XI, XII, XIII.

- Ƀí thư Đảng Dà lơgar khoă XII.

- Kwang bàng Ƀộ Cíñ trị khoă XIII.

- Kwang bàng Quôk hội khoă: XIII, XIV, XV.