Drim òr (08/08), tàm Hìu Quốk hội, Mpồl kwang bàng jăt sền jăt, jăt tơngu me “Broă lơh, adăt boh lam bè atbồ drà kă bro hìu ơm, ù lơh hìu ơm mờ bơtàu tơnguh hìu ơm mpồl bơtiàn nam 2015 tus jơh nam 2023” pơrjum Dơ̆ sơnrờp. Mpồl kwang bàng jăt sền jăt tơngu me geh Phó Củ tịc Duh broă sùm Quốk hội ồng Trần Thanh Mẫn lam bồ mpồl kwang bàng, bal mờ 3 Phó kwang atbồ mpồl; 22 nă kwang bàng bal mờ ờ uă kwang bàng, cau jăk chài geh jà.

Tơngu me jăt sền là broă sền wơl ală cồng nha, broă lơh ờ pràn, kal ke, gơkòl, ai geh jơnau bơsram broă mờng chài, ai geh broă lơh nàng tơnguh uă cồng nha lơh jăt broă lơh, adăt boh lam bè atbồ drà kă bro ù lơh hìu ơm, mờ hìu ơm tàm mpồl bơtiàn. Gơwèt mờ broă bơtàu tơnguh hìu ơm mpồl bơtiàn, jăt sền tơrgùm tàm broă lơh, rơndăp broă lơh, ală broă bơtàu tơnguh hìu ơm mpồl bơtiàn, jăt sền tơrgùm tàm broă lơh, broă rơndăp lơh, ală broă bơtàu tơnguh hìu ơm mpồl bơtiàn; cau, bơta geh dờp broă lơh bè hìu ơm mpồl bơtiàn... Đơs tàm pơrjum, Phó Củ tịc Duh broă sùm Quốk hội ồng Trần Thanh Mẫn đơs tờm do là tơngu me jăt sền dờng bơh Quốk hội, sồr ală kwang bàng tus bal cri bơyai, pơgồp bal nàng broă rơndăp lơh jăt sền, jơnau yal cồng nha jăt sền mờ Nghị quyết bè cồng nha jăt sền jăt tơngu me geh cồng nha niam ngan.