Tàm pơrjum, ală kwang bàng đơs, ală jơnau sră ƀău tus bal pơrlòng geh rơcang lơh jơh nùs, wil tơl, geh bơta niam bè tơngume, pờ tơlik uă tơngai. Ală jơnau sră ƀău neh jat sền, đơs tơl làm tơngume, jat Kơrnuat bơh Khà jờng sră ƀău Diên Hồng dơ̆ 1 dê, geh tơngume niam, jat sền bơta ờs mờng tàm rài kis, kuơmàng là lơh mpờl gŏ bơta kuơ, gơ noar broă, kơnòl broă, gơnăp gơnoar bơh Quôk hội, Hội đồng Ñân zân ală kâp, ală kwang bàng làng bol pồ geh pơn rơ gơguh jak, geh bơta gơ rề tàm mpồl bơtiàn.

Phó Củ tịc Quôk hội ồng Trần Thanh Mẫn đơs nền, Khà jờng Sră ƀău Diên Hồng là dơ̆ cribơyai nàng jờng rơ ală cau cih ƀău cih bè tơngume làng bol pồ, anih lơh broă làng bol pồ; sồr bơsong ală bơta ờ niam tàm Dơ̆ pơrlòng sơn rờp, pơn jat tai gàr niam lam lơh geh cồng nha Khà jờng Diên Hồng dơ̆ 2. Tàm hơ̆, tam gơl, bơ tơl kơrnuat Khà jờng Diên Hồng dơ̆ 2 nàng hòi jà geh uă jơnau sră ƀău tus bal pơrlòng.