VOV4.K’ho - Tàm hìu Quốk hội, Phó Củ tịc Thường trực Quốk hội ồng Trần Thanh Mẫn neh wă Kwang dong broă bơh Kwang atbồ lơgar Mỹ bè tam gơl trồ tiah ồng John Kerry, gam geh dơ̆ tus còp mờ lơh broă tàm lơgar Việt Nam.

Phó Củ tịc Thường trực Quốc hội ồng Trần Thanh Mẫn đơs tờm: là dùl tàm ală lơgar gơtìp aniai uă ngan bơh tam gơl trồ tiah, tàm hơ̆ uă ngan là tàm tiah ring dà dờng Cửu Long, den tàng, lơgar Việt Nam ai broă rơcang sơndră mờ tam gơl trồ tiah là kơnòl tờm, kuơ màng. Tàm tơngai tus, Quốk hội lơgar Việt Nam geh pơn jăt tai bal mờ Cíñ phủ bơ̆t bơtàu mờ lơh gơs tơngu me adăt boh lam nàng chồl broă tơnguh bơtàu ală bơta năng lượng geh lơh wơl bè ồs đèng càl, ồs đèng măt tơngai; lơh niam wơl ală jơnau kờñ bơh broă gơboh bơta tơlir niam; kơ̆p kờñ lơgar Mỹ tơnguh broă dong kờl lơgar Việt Nam bè priă jền, kông nghệ, phan bơna, bơto cau lơh broă mờ broă mờng chài tàm broă tam gơl năng lượng nàng lơgar Việt Nam gơtùi lơh tơl ală jơnau hơ tàm COP26.

Cau mblàng Ndong Brawl