VOV4.K’ho- Drim ngai 30/09, Tỉñ ủy Gia Lai neh bơyai lơh pơrjum yal kơrnoat pồ ồng Trương Hải Long- Phó Ƀí thư Tỉñ uỷ, Củ tịc Ủy ƀan Ñân zân càr Gia Lai lơh Ƀí thư Mpồl đơng lam Đảng Ủy ƀan Ñân zân càr. Tàm pơrjum, Tỉñ ủy Gia Lai yal Kơrnoat bơh Ƀan Thường vụ Tỉñ ủy dê bè broă pồ bơtơl Ƀí thư Mpồl đơng lam Đảng Ủy ƀan Ñân zân càr tơngai lơh broă bơh nam 2021-2026 gơwèt mờ ồng Trương Hải Long.

Ồng Hồ Văn Niên- Ƀí thư Tỉñ ủy Gia Lai jàu kơrnoat mờ pà bơkào gờm chờ ồng Trương Hải Long

Đơs tàm dơ̆ dờp at gơnoar broă, ồng Trương Hải Long pà gĭt, să tờm ồng pal pơnđơl pràn lơh ngan, lơh ngan jơh nùs, jơh tồr, jơh bơta pràn mờ broă geh jàu; bơt bơtàu, sền gàr bơta tam klăc bal, dùl nùs bal tàm dơlam, lơh jat niam kơrnoat pal jat tơrgùm làng bol lơh tờm tàm Đảng, ală kơrnoat lơh broă mờ bal mờ mpồl đơng lam Đảng Ủy ƀan Ñân zân càr tam klăc bal, sơr lèt gan tơl bơta kal ke, bơta lòng, mờ sùm geh kơnòl uă tàm broă lơh tài bơh bơta bơtàu tơnguh bal bơh càr dê.

VOV Tây Nguyên- Cau mblàng K’Hạnh