VOV4.K’ho- Tàm Hìu duh broă Đảng Dà lơgar, Mpồl đơng lam dà lơgar bè ătbồ cau lơh broă sa priă nhai dà lơgar neh bơyai lơh Pơrjum dơ̆ bàr. Ồng Võ Văn Thưởng, Kwang ătbồ Mpồl đơng lam dà lơgar bè ătbồ cau lơh broă sa priă nhai dà lơgar đơs nền, broă lơh ătbồ cau lơh broă sa priă nhai dà lơgar, lơh jăt tơrmù cau lơh broă sa priă nhai dà lơgar mờ bơ̆t bơtàu anih lơh broă là ală broă dờng, kơrhia ngan, gơ sồr pal geh bơta jơh nùs lơh ngan cíñ trị uă, pal jăt mờ jăt sền nền ală Kơrnoăt bơh Đảng dê, ngan là Kơrnoăt Pơrjum dờng dơ̆ XIII.

Jơnau sồr mờ kơnòl broă tơrmù cau lơh broă sa priă nhai dà lơgar pal gơ jăt bal mờ kờp sền gơnoar broă, kơnòl broă, rơndăp tăp sèng rơndăp mpồl kwang bàng, rơndăp wơl, tơnguh uă cồng nha mpồl kwang bàng, kông cứk; lơh sir gơs lơh anih lơh broă, lơh tam gơl niam wơl priă nhai, lơh niam wơl sră pơ àr; sơlơ jàu kâp, jàu gơnoar tàm broă lơh ătbồ cau lơh broă sa priă nhai dà lơgar, tàm hơ̆ tơnguh gơnăp gơnoar mờ sền gàr bơta dùl ròt bal, ring bal tàm ătbồ cau lơh broă sa priă nhai tàm tiah he dê.

Cau mblàng Lơ Mu K’Yến