VOV4.K’ho- Mang ngai 27/3, tàm ƀlàng dờng Đinh Tiên Hoàng Đế, càr Ninh Bình yŭ rơyùm bơyai lơh tơngkah 200 nam mat sơnđan Ninh Bình mờ 30 nam ngai crơng gơs wơl càr. Ala mat kwang đơng lam bồ Đảng, dà lơgar, ồng Võ Văn Thưởng, Ủy viên Ƀộ Cíñ trị, Thường trựk Ƀan Ƀí thư nting bơr gờm chờ, jờng rơ, đơs niam ală cồng nha mờ Đảng ƀộ, gơnoar atbồ mờ làng bol càr Ninh Bình neh lơh geh tàm ală nam do.

Tơngkah 200 nam mat sơnđan Ninh Bình mờ 30 nam ngai crơng gơs wơl càr là tŭ nàng Đảng ƀộ mờ làng bol càr Ninh Bình kah wơl gơl gùng pơn iờ să neh lòt gan, lơh bơta do gơ gơs bơta pràn, gơs broă lơh ngan ngồn bơh tơl mpồl duh broă Đảng, tơl nă kwang bàng, đảng viên mờ làng bol càr Ninh Bình dê tàm gơl gùng mờr tus; lơh ngan tus nam 2030, Binh Bình gơ gơs càr bơtàu tơnguh niam tàm tiah ring dà dờng Hồng.

Ồng Võ Văn Thưởng đơs nền, Ninh Bình pal lam lơh geh cồng nha bơta pràn, bơta ƀuơn, bơta krơi is he dê; ngan là bơta ƀuơn bè ù tiah tàm tơrbŏ bal tiah đah tô dà lơgar, tiah tàm gùl lơgar mờ Tây Bắc, ơm tàm tiah 4 gah gơguh lơh sa Hà Nội- Hải Phòng- Quảng Ninh mờ Thanh Hóa.

Cau mblàng K’Duẩn