Đơs sồr lơh tàm dơ̆ pơrjum, ồng Võ Văn Thưởng đơs loh, tơngai tus, broă tàm dunia mờ tàm lơgar geh ală tŭ niam mờ bơta lòng, bơta ƀươn mờ bơta kal ke gơ geh bal, kơnòl broă gơ tơlik tus ai broă lơh lơh broă mờ lơgar ndai in là dờng ngan.

Jăt tàm nùs nhơm hơ̆, ồng Võ Văn Thưởng sồr Mpồl lơh broă mờ lơgar ndai kâp dà lơgar pal pơn jăt tai kơlôi sơnơng, mblàng yal, mờ lam lơh jăt geh cồng nha gùng dà lơh broă mờ lơgar ndai bơh Pơrjum dờng cau ala măt Đảng gùt lơgar khoă XIII dê mờ ală kơrnoăt, jơnau sồr bơh Ƀộ Cíñ trị mờ Ƀan Ƀí thư dê gơrềng tus broă lơh lơh broă mờ lơgar ndai, lơh jăt ngan ngồn gơ gơs ală rơndăp broă lơh, broă lơh, broă rơndăp lơh dipal mờ bơta geh ngan. Mơkung sền gròi broă lơh tă pơgồp jơnau đơs kwơmàng, chồl tơnguh bơta gĭt gơ̆p mờ ală lơgar pơn jăt tai gơlòt mŭt ngan ngồn tàm uă broă, kơ̆ kơl jăp, geh kwơ ngan mờ kơ̆ kơl jăp jŏ jòng.