VOV4.K’ho – Ngai òr, 12/8, tàm Hà Nội, ồng Vương Đình Huệ, Kuang jat jơng gơs gơnap gơnoar atbồ hơđang rlau jơh dà lơgar lơh broă mờ kuang đơng lam bồ ală Gah, mpồl, sơnah lơh broă dà lơgar, Anih duh broă lơh sa bơh Gơnoar alamat dà lơgar dê bè broă bơt bơtàu rơndap broă “ Ờ uă gùng dà, broă lơh dờng kờ` tam gơl pa broă bơtàu tơnguh, tơnguh bơta niam bơh bơtàu tơnguh dê, cồng nha lơh broă mờ bơta pràn tàm pơr lòng bơh rài lơh sa dê”. Rơndap broă bơh Gah rơndap broă mờ bơcri priă dà lơgar cih lài, geh yal mờ Gơnoar atbồ lơgar, Gah gùng dră bal dà lơgar ai jơnau đơs mờ pơyua tus Mpồl đơng lam Đảng dà lơgar cribơyai tàm nhai 10 nam 2016 mờ tơlik dùl kơrnuat bè tơngume do. Ồng Vương Đình Huệ pà git, rơndap broă kờ` mut lơh ngan ngồn kơnòl kuơ màng dơ\ 3 mờ kơrnuat pơrjum Đảng gùt lơgar dơ\ 12 neh ai tơlik. Hơ\ là kơnòl: “ Tơrgùm mut lơh ală broă lơh tơnguh bơta niam bơtàu tơnguh, cồng nha lơh broă mờ bơta pràn tàm pơr lòng bơh rài lơh sa dê. Pơnjat tai mut lơh geh cồng nha 3 tam gơl kuơ màng, hơ\ là lơh sir kơrnuat lơh sa drà kă bro jat rơndap broă mpồl bơtiàn ringbal làng bol lơh tờm; tam gơl kuơ màng mờ tơl làm bơto bơtê mờ bơsram; bơtàu tơnguh cau lơh broă, ngan là cau lơh broă geh bơta niam uă; bơt bơtàu ròt phan bơna ringbal. Bơ song niam bơta rơndap tap sèng wơl mpồl lơh sa kă bro dà lơgar, rơndap tap sèng wơl kes priă dà lơgar, bơ song dồs ờ niam mờ gàr ờ do ờ dă dồs dà lơgar.

                Cau cih mờ yal tơnggit K’ Duẩn.