Mờ nùs nhơm “Tam klăc bal- làng bol lơh tờm- Geh kơnòl- Tam gơl pa mờ Bơtàu tơnguh” pơrjum dờng neh ai tơlik uă jơnau kờñ, kơnòl broă tờm nàng kờñ sơlơ tơnguh tai bơta ring bal mpồl bơtiàn, lơh jat niam bơta pràn mpồl tam klăc dờng jơh gùt jơi bơtiàn. Jat jơnau yal tàm pơrjum dờng, tàm 5 nam do lơh broă bơh Mặt trận Dà lơgar Việt Nam ală kấp mờ ală mpồl  kwang bàng tàm càr Dăk Lăk neh geh uă tam gơl pa, at gơnoar broă tờm tàm ală srơh mờ broă lơh cín trị mpồl bơtiàn.

Pơrjum dờng neh ring bal dồ nùs pồ geh 93 nă kwang bàng tàm Anih duh broă Mặt trận Dà lơgar Việt Nam càr Dăk Lăk khoă XV, tơngai lơh broă bơh nam 2024-2029. Ồng Y Giang Gry Niê Knơng geh pồ wơl at gơnoar broă Củ tịc Anih duh broă Mặt trận Dà lơgar Việt Nam càr Dăk lăk khoă pa. Ồng Y Giang đơs, tàm tơngai tus, Mặt trận Dà lơgar ală kấp tàm càr Dăk Lăk pơn jat tai tơrgùm tơnguh uă bơta niam, geh cồng nha jat sền mờ hơ jơnau lùp mpồl bơtiàn dê, lơh jat niam làng bol lơh tờm mờ sơlơ tơnguh tai mpồl tam klăc dờng.