Cri bơyai đah Tổng thư ký mpồl ASEAN mờ ơruh pơnu là broă lơh kwơ màng tàm Cri bơyai Rơnàng tơnơ̆ do mpồl ASEAN nam 2024 dê, là cơng tàng pà gŏ jơnau hơ bơh mpồl ASEAN dê tàm broă lơh geh jơnau niam hòi jà rơnàng kơnòm să cèng tus bơta tam gơl niam ai rơnàng tơnơ̆ do in, pơgồp bal tàm broă bơ̆t bơtàu dùl mpồl ASEAN tơrbŏ bal mờ kơl jăp.

Tơngai do, Cíñ phủ ală lơgar tàm hơ̆ geh lơgar Việt Nam sền gròi ngan mờ sùm bơcri priă pràn kơl dang ai ơruh pơnu in, ai tơl bơta niam nàng ală bơyô kơnòm să geh tìp mờ bơta niam bơto bơtê tơl ală bơta, tơnguh uă bơta ngăc ngar, git wă mờ pràn kơl dang, tơnguh bơta niam broă lơh. Tàm cri bơyai, ala măt ơruh pơnu ală lơgar tàm mpồl ASEAN geh dơ̆ niam nàng tam pà bal bè jơnau kơ̆p kờñ, ai geh ală jơnau lùp mờ dờp geh jơnau hơ di pal tơn bơh Tổng thư ký ồng Kao Kim Hourn dê.