VOV4.K’ho- Tềng đăp bơta trồ tiah tơngai duh, khà đèng ngui gơguh uă tàm ală càr mờ ƀòn dờng tiah đah jum dà lơgar, Tổng Kông ty Ồs đèng tiah đah jum dà lơgar gam lơh broă rơndăp lơh ai tơl đèng tàm tŭ dilah tơngai prang duh jŏ jòng mờ dong jun đèng gơguh nisơna.

Jăt Tổng Kông ty Ồs đèng tiah đah jum dà lơgar yal, tàm nhai 02/2022, 21 càr mờ ƀòn dờng tiah đah jum dà lơgar bơh Ninh Thuận tus Cà Mau, ờ kờp ƀòn dờng Hồ Chí Minh kờp jơh khà đèng ngui là 5 rbô 461 tơmàn ki lô oát jiơ, gơguh 17,13% pơndrờm mờ nhai 02/2021. Yal lài tàm nhai 03 do, tơngai duh, bơta trồ tiah jơh gùt kơnhoàl ù tiah digơlan pơn jăt tai gơguh uă, ală tiah tàm tiah đah jum dà lơgar mŭt lơh broă wơl bè ờs tàm jơh ală gah broă den tàng khà đèng ngui pơn jăt tai gơguh. Bal mờ hơ ai tơl đèng, Tổng Kông ty Ồs đèng tiah đah jum dà lơgar sồr mpồl lơh sa kă bro, làng bol ngui đèng dipal, geh cồng nha, sùm sền ngăc lòt sền ală gùng che đèng tàm hìu bơnhă, hìu măy mờ anih lơh sa kă bro.

Cau mblàng Lơ Mu K’Yến