Dơ̆ ồs sa gơlik geh tàm tŭ gùl bơnang 0 jiơ 46 phuk ngai 24/05. Kwang àng ƀòn dờng Hà Nội neh sồr 50 nă kwang bàng, cau ling sơrbac mhar tus tiah ồs sa pơgồp bal mờ ală mpồl ndai bơh gơnoar ătbồ mờ làng bol tàm tiah do dê lam crùh ồs sa.

Tus 0 jiơ 52 phuk gùl bơnang, ală mpồl neh mŭt geh tàm tiah ồs sa, lam crùh ồs sa, kơryan ồs sa gơrề bal mờ ală mpồl jăt sền bơta ồs sa lòt jòi, dong kờl cau gơtìp aniai. Bă ồs sa neh sa gơrề dờng ngan ồs sa jơh uă rơndeh măy, rơndeh coh đèng, rơndeh coh tàm anih ƀlàng hìu, nhŭ mờ nhơm khih glòm jơh ù tiah do. Ală mpồl neh lam lơh tơrlah kai mpồng, mŭt tàm dơlam hìu mờ dong klàs geh 7 nă cau gơkòl tàm dơlam, tàm hơ̆ geh 3 nă cau gơtìp sồt să geh jun mhar tus hờ hìu sơnơm nàng dong kờl. Tus 01 jiơ 26 phuk àng drim gờñ, bă ồs sa geh crùh gơsơ̆t chơ̆t jơh ồs. Bơh jòi, bơh sơnrờp ală mpồl gŏ 14 nă cau chơ̆t.