Drơng broă lơh bơtơ̆t rơbòng dà Krông Păc thượng, bơh bồ nam tus tŭ do, điện lựk Ea Kar càr Dăk Lăk gam pơgồp bal nền nòn mờ ală mpồl lơh broă nàng lơh jăt broă ntrờn tus ƀòn ơm kis pa bơh ală hìu làng bol xã Cư̆ San, kơnhoàl Mdrăk tus tàm tiah ơm kis pa sồ 02, gơwèt xã Cư̆ Bông, kơnhoàl Ea Kar.

Jăt rơndăp broă geh ai, bơh bồ nhai 2 tus jơh nhai 4 nam 2023 geh 488 hìu làng bol geh ntrờn bơh tàm tiah tơnao dà Krông Păc thượng tus tàm xã Cư̆ Bông. Điện lựk Ea Kar neh bơyai lơh ai 2 mpồl lơh broă sùm nàng drơng tàm broă ntrờn làng bol. Mpồl sồ 01 dong kờl tăc sờr gùng che ồs đèng tàm xã Cư̆ San. Mpồl sồ 02 dong kờl crăp ồs đèng tàm ƀòn ơm kis pa Cư̆ Bông nàng mhar dong kờl làng bol kơl jăp rài kis, lơh sa. Tus bồ nhai 3 do, ală mpồl lơh broă neh dong kờl geh 46 hìu ntrờn, lơh hìu niam, kơl jăp tàm ƀòn ơm kis pa.