Jăt mờ hơ̆, ală mpồl lơh broă lơh pràn ngui bơta gơguh jăk khoa họk, kông nghệ tàm atbồ lơh broă gùng che ồs đèng, lơh jăt ală broă kỹ thuật mờ atbồ nàng tơmù hoàc huơr ồs đèng, tơnguh bơta pin dờn ai ồs đèng; atbồ khà priă tă tàm lơh sa kă bro di pal mờ mùl màl.

Ală mpồl lơh broă lơh ngan tơmù ờ uă ngan là 80% khà phan lơh broă pa. Ală khà priă tă sùm bè pơrjum, cri bơyai, ngui xăng rơndeh, ồs đèng, dà, sră nggal... geh ngui di pal. Broă bơcri priă lơh jăt geh tơrgùm bal, tơl niam lơh gơs ală rơndăp broă di jăt mờ broă rơndăp lơh neh geh ai. Bơdìh hơ̆ tai, gah lơh ồs đèng kung pơn jăt tai lơh pràn broă yal tơngit, yal mblàng mờ bơto sồr cau ngui ồs đèng tềm pềr, geh cồng nha.