VOV4.K’ho- Lơh pràn broă lơh tơm priă đèng ờ ngui priă măt, tơngai lài, Kông ty Ồs đèng càr Dăk Lăk neh lơh bal mờ 15 ngân hàng mờ 9 mpồl lơh kòn gùng lơh jăt broă lơh lòt tơrgùm ƀà priă đèng. Broă lơh tơm priă do ƀươn ngan gơwèt mờ cau năc in, tơrmù ƀà tŭ jiơ lòt rê, mơkung dong gah đèng tơrmù ƀà bơta lơh tìs, hŭi, ătbồ niam priă dồs. Tus tŭ do, mờr 90% năc ngui đèng bơh Kông ty dê neh lơh broă bơh broă lơh do. Ờ mìng năc ngui đèng tàm ƀòn dờng lơm mờ broă tơm priă ờ ngui priă măt kung geh uă năc ngui đèng tàm tiah sar lơgar ngài lơh sơl.

Bal mờ broă yal tơngĭt nàng làng bol mờ năc ngui đèng in wă ală bơta ƀươn bơh broă tơm priă ờ ngui priă măt dê, PC Dăk Lăk kung lơh phan ngui QR code jăt tơl jơnau sồr bơh Ngân hàng Dà lơgar dê ai jơh ală năc ngui đèng in. Tơl nă năc ngui đèng geh dùl QR code, ngui tàm jơh ală sră nggal, sră blơi phan mờ yal priă đèng. Năc ngui đèng gơtùi prăp jơnau yal tơm priă đèng tàm điện thoại ăt tê is să tờm dê nàng lơh ală broă lơh mìng bơh dùl broă lơh ƀươn ƀoài ngan.

Cau mblàng Lơ Mu K’Yến