VOV4.K’ho- Tàm ală ngai 22 mờ 23 nhai 9, Kông ty Ồs đèng Dăk Lăk pơgồp bal mờ ală anih lơh broă, mpồl lơh broă ală tiah neh bơyai lơh dơ̆ tàm jàu 2 nơm hìu nùs nhơm ai hìu bơnhă ồng Nguyễn Anh Huấn (tàm thôn 8, xã Ea Uy, kơnhoàl Krông Pắch) mờ hìu bơnhă mò H’Lam Niê (ơm tàm ƀòn Knul, xã Ea Bông, kơnhoàl Krông Ana). 

Pà hìu nùs nhơm ai mò H’ Lam Niê in

Pà hìu nùs nhơm ai ồng Nguyễn Anh Huấn in

Tơl nơm hìu ndrờm geh gah lơh Ồs đèng dong kờl 50 tơlak đong, ală mpồl lơh broă ală tiah mờ hìu bơnhă hòi jà tă pơgồp bal nàng lơh hìu dờng niam rlau tai. Bè hơ̆ bàr pe nhai pa do, Kông ty Ồs đèng Dăk Lăk neh lơh 5 nơm hìu ơm nùs nhơm pà ală hìu bơnhă geh rài kis kal ke uă, gơwèt broă lơh jàu pà 70 nơm hìu ơm bơh Tổng Kông ty Ồs đèng tiah tàm gùl lơgar dong kờl ai ală càr tiah tàm gùl lơgar mờ Tây Nguyên nam 2022 in. Geh gĭt bơdìh mờ ală broă lơh lơh sa kă bro, kờp bal pah nam, Gah Ồs đèng Dăk Lăk lời pơgap 1 tơmàn đong lơh ală broă lơh mpồl bơtiàn geh nùs nhơm niam, dong kờl cau rƀah, pà mhàm dong kờl kòn bơnus, sòl àng gùng ƀòn lơgar...

Cau mblàng K’Hạnh