Lơh chờ sầu riêng mờ tơngu me “Sầu riêng Krông Păc – Bơtàu tơnguh mờ tơrgùm bal” geh bơyai lơh bơh mang ngai 31 nhai 08 tus ngai 02 nhai 09 tàm ƀòn drà dềt Phước An bal mờ ờ uă xã tàm kơnhoàl Krông Păc, càr Dăk Lăk. Bal mờ dơ̆ sơn đờm lơh, tơn jơh mờ broă cuh phăo bơkào niam chài, tàm broă lơh chờ geh bơyai lơh ală broă bè: Pơrlòng làng bol lơh broă sa lơh sầu riêng jăk; Drà ràng tơlik yal phan OCOP; Ngai chờ niam chài phan sa ală jơi bơtiàn; sa plai sầu riêng tàm suơn…

Lòt bal mờ kơnhoàl tàm broă bơyai lơh chờ sầu riêng tàm kơnhoàl Krông Păc, đah ồs đèng càr Dăk Lăk neh lơh gơs ală gùng dà broă lơh nàng gàr niam geh tơl ồs đèng. Gah ồs đèng neh sền wơl, sền jơh ală gùng che ồs đèng bal mờ anih biếp áp tàm kơnhoàl; mờ lơh jăt broă lơh gùng che ồs đèng, anih biến áp ntrờn mờ ai măi pờ tơlik ồs đèng rơcang lài nàng drơng tàm ală broă lơh chờ tàm Ƀlàng dờng Tân An.