Kông ty Ồs đèng Dăk Lăk pơgồp bal mờ Kảñ sát rcang sơndră Crùh ồs sa càr Dăk Lăk pa bơyai lơh dơ̆ pơlam tàp broă lơh crùh ồs sa, dong kờl rềs àr. Ală bơta gơlik geh lơh pơn yơu tàm tiah Ơn prap phan bơna bơh PC Dăk Lăk dê tàm ƀòn dờng Buôn Ma Thuột gơlik geh ồs sa, pơhìn hoàc huơr uă ngan dilah ờ geh gròi sền ồs di tŭ.

Dơ̆ pơlam tàp pơn yơu cruh ồs sa mờ dong kờl rềs àr tàm tiah ơn prap phan bơna bơh PC Dăk Lăk dê

Tŭ hơ̆ mơ, kông ñân Ồs đèng ƀòn lơgar neh lơh jat broă lơh ntrờn kòn bơnus, crùh ồs sa bơh chờm mờ yal jơnau ai Kảñ sát rcang sơndră Crùh ồs sa 114 in tus dong kờl.

Dơ̆ pơlam tàp geh lơh tàm anih ơn prăp phan bơna bơh PC Dăk Lăk dê

Dơ̆ pơlam tàp pơgồp bơnah rcang ai mpồl rcang sơndră cruh ồs sa bơh Gah Ồs đèng Dăk Lăk in ală bơta gĭt wă jrô ơnàng bè broă lơh crùh ồs sa mờ dong kờl rềs àr, kung bè broă lơh ngui geh cồng nha ală phan bơna măy mok, rơndeh rơndồ, phan ngui crù ồs sa. Do kung là broă lơh nàng kờñ tơnguh uă bơta chài pơgồp bal, bơsong bơta gơlik geh đah ală mpồl dong kờl dê tŭ gơlik geh ồs sa, bơr toh.