Tàm dơ̆ pơlam tàp, jơnau pơn yơu là tiah xã Ea Ktur, Ea Bhốk, Ea Ning geh càl pồt mờ mìu dờng gơ jat bal mờ kơnàs còng, tơm chi gơ pừ di tàm gùng che ồs đèng lơh bơcah sứ, lơh pă jrong đèng, lơh chơ̆t ồs đèng tàm jơh gùt tiah do dê. Mhar ngan geh mat tàm tiah gơlik geh ală bơta do, sền gĭt jơnau tờm lơh aniai, ală mpồl lơh broă neh yal mờ Kông ty ring bal broă lơh bơsong, hòi jà mpồl cau, rơndeh rơndồ măi mok, phan bơna, nàng di tŭ bơsong.

Tơnơ̆ mờr 3 jiơ, ală mpồl lơh broă neh lơh sir broă ala ală phan bơna, jrong đèng ờ diơng, kơ̆t kơ̆ wơl mờ dŭi wơl gùng che ồs đèng, òt tờm chi pă pừ, koh wàs rŭ rờm gàr niam bơta lơngăp lơngai gùng che ồs đèng in. Bơh broă lơh pơlam tàp, Kông ty Ồs đèng Dăk Lăk kờñ tơnguh uă bơta pràn rcang lài mờ ală bơta gơlik geh bơta aniai nisơna, lơh niam wơl broă pờ ồs đèng gờñ ngan rlau jơh tơnơ̆ tŭ gơlik geh trồ tiah lơh aniai.